julus-e-tegh-o-alam jaane kis dayar ka hai

julūs-e-teġh-o-alam jaane kis dayār kā hai

pas-e-ġhubār bhī ik silsila ġhubār kā hai

ḳhalā-e-jāñ kā safar aur phir tan-e-tanhā

ye rāsta bhī baḌe jabr o iḳhtiyār kā hai

tum aa ga.e ho to mujh ko zarā sambhalne do

abhī to nashsha sā āñkhoñ meñ intizār kā hai

muqām-e-be-ḳhabarī hai yahāñ se kitnī duur

ki shahr-e-dil meñ baḌā shor shahryār kā hai

nahīñ hai sahl mirī tarz par ġhazal kahnā

shi.ār ye kisī yaktā-e-rozgār kā hai

julus-e-tegh-o-alam jaane kis dayar ka hai

pas-e-ghubar bhi ek silsila ghubar ka hai

KHala-e-jaan ka safar aur phir tan-e-tanha

ye rasta bhi baDe jabr o iKHtiyar ka hai

tum aa gae ho to mujh ko zara sambhalne do

abhi to nashsha sa aankhon mein intizar ka hai

muqam-e-be-KHabari hai yahan se kitni dur

ki shahr-e-dil mein baDa shor shahryar ka hai

nahin hai sahl meri tarz par ghazal kahna

shiar ye kisi yakta-e-rozgar ka hai