jumbish-e-kakul-e-mahbub se din Dhalta hai
jumbish-e-kākul-e-mahbūb se din Dhaltā hai
haa.e kis ḳhūbi-e-uslūb se din Dhaltā hai
pheñk kulfat-zada sūraj pe bhī chhīñTe us ke
jis mai-e-dilkash-o-marġhūb se din Dhaltā hai
koshish-e-banda-e-dānā nahīñ kāmil hotī
sohbat-e-banda-e-majzūb se din Dhaltā hai
mehr ke valvala-e-rāst se pau phaTtī hai
mehr ke jazba-e-maqlūb se din Dhaltā hai
sāqiyā ek 'adam' ko bhī phurerī us kī
jis khanakte hue mashrūb se din Dhaltā hai
jumbish-e-kakul-e-mahbub se din Dhalta hai
hae kis KHubi-e-uslub se din Dhalta hai
phenk kulfat-zada suraj pe bhi chhinTe us ke
jis mai-e-dilkash-o-marghub se din Dhalta hai
koshish-e-banda-e-dana nahin kaamil hoti
sohbat-e-banda-e-majzub se din Dhalta hai
mehr ke walwala-e-rast se pau phaTti hai
mehr ke jazba-e-maqlub se din Dhalta hai
saqiya ek 'adam' ko bhi phureri us ki
jis khanakte hue mashrub se din Dhalta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
