junun-e-dil ka abhi tarjuman baqi hai
junūn-e-dil kā abhī tarjumān baaqī hai
laboñ pe mohr lagī hai zabān baaqī hai
ga.ī rutoñ kā abhī tak nishān baaqī hai
galī meñ ek shikasta makān baaqī hai
na pochhiye abhī unvāñ mire fasāne kā
ye ibtidā hai abhī dāstān baaqī hai
Dubo diyā thā kabhī jis ko tund tūfāñ ne
usī safīne kā ik bādbān baaqī hai
hazār baar zamāne ne karvaTeñ badlīñ
hamāre sar pe vahī āsmān baaqī hai
ik āshiyāne pe bijlī girī to ronā kyā
hamāre vāste saarā jahān baaqī hai
'nigār' ḳhāna-e-dil meñ basī hai vīrānī
makīñ chalā gayā lekin makān baaqī hai
junun-e-dil ka abhi tarjuman baqi hai
labon pe mohr lagi hai zaban baqi hai
gai ruton ka abhi tak nishan baqi hai
gali mein ek shikasta makan baqi hai
na pochhiye abhi unwan mere fasane ka
ye ibtida hai abhi dastan baqi hai
Dubo diya tha kabhi jis ko tund tufan ne
usi safine ka ek baadban baqi hai
hazar bar zamane ne karwaTen badlin
hamare sar pe wahi aasman baqi hai
ek aashiyane pe bijli giri to rona kya
hamare waste sara jahan baqi hai
'nigar' KHana-e-dil mein basi hai virani
makin chala gaya lekin makan baqi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
