junun-e-ishq ki rasm-e-ajib kya kahna

junūn-e-ishq kī rasm-e-ajīb kyā kahnā

maiñ un se duur vo mere qarīb kyā kahnā

ye tīragi-e-musalsal meñ ek vaqfa-e-nūr

ye zindagī kā tilism-e-ajīb kyā kahnā

jo tum ho barq-e-nasheman to maiñ nasheman-e-barq

ulajh paḌe haiñ hamāre nasīb kyā kahnā

hujūm-e-rañg farāvāñ sahī magar phir bhī

bahār nauha-e-sad andalīb kyā kahnā

hazār qāfila-e-zindagī kī tīra-shabī

ye raushnī sī ufuq ke qarīb kyā kahnā

laraz ga.ī tirī lau mere Dagmagāne se

charāġh-e-gosha-e-kū-e-habīb kyā kahnā

junun-e-ishq ki rasm-e-ajib kya kahna

main un se dur wo mere qarib kya kahna

ye tiragi-e-musalsal mein ek waqfa-e-nur

ye zindagi ka tilism-e-ajib kya kahna

jo tum ho barq-e-nasheman to main nasheman-e-barq

ulajh paDe hain hamare nasib kya kahna

hujum-e-rang farawan sahi magar phir bhi

bahaar nauha-e-sad andalib kya kahna

hazar qafila-e-zindagi ki tira-shabi

ye raushni si ufuq ke qarib kya kahna

laraz gai teri lau mere Dagmagane se

charagh-e-gosha-e-ku-e-habib kya kahna