جنون شوق اب بھی کم نہیں ہے

اسرار الحق مجاز

جنون شوق اب بھی کم نہیں ہے

اسرار الحق مجاز

MORE BY اسرار الحق مجاز

    جنون شوق اب بھی کم نہیں ہے

    مگر وہ آج بھی برہم نہیں ہے

    بہت مشکل ہے دنیا کا سنورنا

    تری زلفوں کا پیچ و خم نہیں ہے

    بہت کچھ اور بھی ہے اس جہاں میں

    یہ دنیا محض غم ہی غم نہیں ہے

    تقاضے کیوں کروں پیہم نہ ساقی

    کسے یاں فکر بیش و کم نہیں ہے

    ادھر مشکوک ہے میری صداقت

    ادھر بھی بد گمانی کم نہیں ہے

    مری بربادیوں کا ہم نشینو

    تمہیں کیا خود مجھے بھی غم نہیں ہے

    ابھی بزم طرب سے کیا اٹھوں میں

    ابھی تو آنکھ بھی پر نم نہیں ہے

    بہ ایں سیل غم و سیل حوادث

    مرا سر ہے کہ اب بھی خم نہیں ہے

    مجازؔ اک بادہ کش تو ہے یقیناً

    جو ہم سنتے تھے وہ عالم نہیں ہے

    ویڈیو
    This video is playing from YouTube

    Videos
    This video is playing from YouTube

    بھارتی وشواناتھن

    بھارتی وشواناتھن

    نامعلوم

    نامعلوم

    RECITATIONS

    نعمان شوق

    نعمان شوق

    نعمان شوق

    جنون شوق اب بھی کم نہیں ہے نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY