junun-e-shauq mein aadab-e-raqs-e-wahshat kya

junūn-e-shauq meñ ādāb-e-raqs-e-vahshat kyā

shikasta paañv ko pāzeb-e-shān-o-shaukat kyā

ham apne aap meñ rahte nahīñ haiñ dam-bhar ko

hamāre vāste dīvār-o-dar kī zahmat kyā

baḌe vasūq se āshufta-sar ye pūchhte haiñ

dayār-e-ranj-o-mehan meñ hamārī vaq'at kyā

ye daur-e-jahl hai mad.h-o-sanā-e-zulmat kar

zabān-e-ḳhāma se tausīf-e-ahl-e-hikmat kyā

jo rang laa.e to behtar vagarna dafn karo

lahū lahū hai mirā ḳhūñ-bahā kī qīmat kyā

matā'-e-sabr-o-tahammul ko donoñ hāthoñ se

luTāne ham jo chale haiñ to itnī hairat kyā

junun-e-shauq mein aadab-e-raqs-e-wahshat kya

shikasta panw ko pazeb-e-shan-o-shaukat kya

hum apne aap mein rahte nahin hain dam-bhar ko

hamare waste diwar-o-dar ki zahmat kya

baDe wasuq se aashufta-sar ye puchhte hain

dayar-e-ranj-o-mehan mein hamari waq'at kya

ye daur-e-jahl hai madh-o-sana-e-zulmat kar

zaban-e-KHama se tausif-e-ahl-e-hikmat kya

jo rang lae to behtar wagarna dafn karo

lahu lahu hai mera KHun-baha ki qimat kya

mata'-e-sabr-o-tahammul ko donon hathon se

luTane hum jo chale hain to itni hairat kya