junun hi se magar bilkul dil-e-diwana Khaali hai

junūñ hī se magar bilkul dil-e-dīvāna ḳhālī hai

na mānūñgā asar se na.ara-e-mastāna ḳhālī hai

muravvat se tirī ham bekasoñ kī sharm rah jaatī

bharī mahfil meñ saaqī ik yahī paimāna ḳhālī hai

dilā Dar hai kahīñ ka.abe pahuñch kar tū na kah baiThe

ki vāpas chal yahāñ se ab to ye but-ḳhāna ḳhālī hai

hameñ zauq-e-asīrī chhoḌtā hai kab gulistāñ meñ

qafas meñ jab tak ai sayyād koī ḳhāna ḳhālī hai

ye maanā ham ne 'jauhar' shahr chhoḌā par kahāñ jaa.eñ

vo tere dam se thā ābād ab vīrāna ḳhālī hai

junun hi se magar bilkul dil-e-diwana KHali hai

na manunga asar se nara-e-mastana KHali hai

murawwat se teri hum bekason ki sharm rah jati

bhari mahfil mein saqi ek yahi paimana KHali hai

dila Dar hai kahin kabe pahunch kar tu na kah baiThe

ki wapas chal yahan se ab to ye but-KHana KHali hai

hamein zauq-e-asiri chhoDta hai kab gulistan mein

qafas mein jab tak ai sayyaad koi KHana KHali hai

ye mana hum ne 'jauhar' shahr chhoDa par kahan jaen

wo tere dam se tha aabaad ab virana KHali hai