junun ke qafilon ki be-nishan manzil ka kya kahna

junūñ ke qāfiloñ kī be-nishāñ manzil kā kyā kahnā

asīrān-e-ḳhirad ke haal meñ shāmil kā kyā kahnā

jamāl-e-mastī-e-ġharqāb meñ dam-ḳham to hai lekin

kisī chashm-e-fanā kī ḳhvāhish-e-sāhil kā kyā kahnā

darūn-e-azdahām-e-mardumāñ gar ḳhud se milnā ho

to aisī ittifāqī munfarid mahfil kā kyā kahnā

hai gar apnā muqaddar kushta-e-teġh-e-jafā honā

to phir ek nā-gahānī pañja-e-qātil kā kyā kahnā

tire qasr-e-vafā kī chhat tale zinda to haiñ ham-dam

magar is sā.ebān-e-shauq-e-lā-hāsil kā kyā kahnā

hameñ bhī ishtiyāq-e-inkishāf-e-haq to hai 'āsim'

magar is maḳhmase is dā.imī mushkil kā kyā kahnā

junun ke qafilon ki be-nishan manzil ka kya kahna

asiran-e-KHirad ke haal mein shamil ka kya kahna

jamal-e-masti-e-gharqab mein dam-KHam to hai lekin

kisi chashm-e-fana ki KHwahish-e-sahil ka kya kahna

darun-e-azdaham-e-marduman gar KHud se milna ho

to aisi ittifaqi munfarid mahfil ka kya kahna

hai gar apna muqaddar kushta-e-tegh-e-jafa hona

to phir ek na-gahani panja-e-qatil ka kya kahna

tere qasr-e-wafa ki chhat tale zinda to hain ham-dam

magar is saeban-e-shauq-e-la-hasil ka kya kahna

hamein bhi ishtiyaq-e-inkishaf-e-haq to hai 'asim'

magar is maKHmase is daimi mushkil ka kya kahna