junun ki dast-giri kis se ho gar ho na uryani

junūñ kī dast-gīrī kis se ho gar ho na uryānī

garebāñ-chāk kā haq ho gayā hai merī gardan par

ba-rañg-e-kāġhaz-e-ātish-zada nairañg-e-betābī

hazār ā.īna dil bāñdhe hai bāl-e-yak-tapīdan par

falak se ham ko aish-e-rafta kā kyā kyā taqāzā hai

matā-e-burda ko samjhe hue haiñ qarz rahzan par

ham aur vo be-sabab rañj-āshnā dushman ki rakhtā hai

shuā-e-mehr se tohmat nigah kī chashm-e-rauzan par

fanā ko sauñp gar mushtāq hai apnī haqīqat kā

faroġh-e-tāla-e-ḳhāshāk hai mauqūf gulḳhan par

'asad' bismil hai kis andāz kā qātil se kahtā hai

ki mashq-e-nāz kar ḳhūn-e-do-ālam merī gardan par

fusūn-e-yak-dilī hai lazzat-e-bedād dushman par

ki vajd-e-barq juuñ parvāna bāl-afshāñ hai ḳhirman par

takalluf ḳhār-ḳhār-e-iltimās-e-be-qarārī hai

ki rishta bāñdhtā hai pairahan añgusht-e-sozan par

ye kyā vahshat hai ai dīvāne pesh-az-marg vāvailā

rakkhī be-jā binā-e-ḳhāna-e-zanjīr-e-shevan par

junun ki dast-giri kis se ho gar ho na uryani

gareban-chaak ka haq ho gaya hai meri gardan par

ba-rang-e-kaghaz-e-atish-zada nairang-e-betabi

hazar aaina dil bandhe hai baal-e-yak-tapidan par

falak se hum ko aish-e-rafta ka kya kya taqaza hai

mata-e-burda ko samjhe hue hain qarz rahzan par

hum aur wo be-sabab ranj-ashna dushman ki rakhta hai

shua-e-mehr se tohmat nigah ki chashm-e-rauzan par

fana ko saunp gar mushtaq hai apni haqiqat ka

farogh-e-tala-e-KHashak hai mauquf gulKHan par

'asad' bismil hai kis andaz ka qatil se kahta hai

ki mashq-e-naz kar KHun-e-do-alam meri gardan par

fusun-e-yak-dili hai lazzat-e-bedad dushman par

ki wajd-e-barq jun parwana baal-afshan hai KHirman par

takalluf KHar-KHar-e-iltimas-e-be-qarari hai

ki rishta bandhta hai pairahan angusht-e-sozan par

ye kya wahshat hai ai diwane pesh-az-marg wawaila

rakkhi be-ja bina-e-KHana-e-zanjir-e-shewan par