junun-pasand harif-e-KHirad to hum bhi hain

junūñ-pasand harīf-e-ḳhirad to ham bhī haiñ

adū jo nek nahīñ hai to bad to ham bhī haiñ

hazār sifr sahī ik adad to ham bhī haiñ

tumhāre saath azal-tā-abad to ham bhī haiñ

ab itnā naaz samundar-mizājiyoñ pe na kar

ki apne aap meñ ik jazr-o-mad to ham bhī haiñ

hameñ qubūl kahāñ kam-savād karte haiñ

ḳharāb-e-mashġhala-e-radd-o-kad to ham bhī haiñ

ham apne aap se āgāh is qadar to na the

chalo nishāna-e-rashk-o-hasad to ham bhī haiñ

junun-pasand harif-e-KHirad to hum bhi hain

adu jo nek nahin hai to bad to hum bhi hain

hazar sifr sahi ek adad to hum bhi hain

tumhaare sath azal-ta-abad to hum bhi hain

ab itna naz samundar-mizajiyon pe na kar

ki apne aap mein ek jazr-o-mad to hum bhi hain

hamein qubul kahan kam-sawad karte hain

KHarab-e-mashghala-e-radd-o-kad to hum bhi hain

hum apne aap se aagah is qadar to na the

chalo nishana-e-rashk-o-hasad to hum bhi hain