juraton hauslon umangon se

jur.atoñ hausloñ umangoñ se

na.ara-e-haq buland kar pyāre

jo tujhe kisht-o-ḳhūñ se miltī ho

us masarrat pe aah bhar pyāre

ġham tarab-ḳhez hai ki jāñ-levā

ab ye qissa tamām kar pyāre

haañ har ik baat husn rakhtī hai

apne apne maqām par pyāre

tū bhī irfān-e-āgahī pā le

tū bhī hai sāhib-e-nazar pyāre

hai to mushkil magar hai imkāñ meñ

muskurānā ba-chashm-e-tar pyāre

jāntā huuñ javāb kyā hogā

phir bhī apnā savāl kar pyāre

dekho to ḳhud hī TuuT jā.egā

mat use chaah TuuT kar pyāre

jo tujhe shāhkār kar degā

hai vo ik aañch kī kasar pyāre

tujh ko saugand ādmiyyat kī

lamha lamha sañvar nikhar pyāre

aaj to dil hai vaqt aane par

nazr kar dūñgā apnā sar pyāre

juraton hauslon umangon se

nara-e-haq buland kar pyare

jo tujhe kisht-o-KHun se milti ho

us masarrat pe aah bhar pyare

gham tarab-KHez hai ki jaan-lewa

ab ye qissa tamam kar pyare

han har ek baat husn rakhti hai

apne apne maqam par pyare

tu bhi irfan-e-agahi pa le

tu bhi hai sahib-e-nazar pyare

hai to mushkil magar hai imkan mein

muskurana ba-chashm-e-tar pyare

jaanta hun jawab kya hoga

phir bhi apna sawal kar pyare

dekho to KHud hi TuT jaega

mat use chah TuT kar pyare

jo tujhe shahkar kar dega

hai wo ek aanch ki kasar pyare

tujh ko saugand aadmiyyat ki

lamha lamha sanwar nikhar pyare

aaj to dil hai waqt aane par

nazr kar dunga apna sar pyare