justuju teri tarah gham teri qurbat kya hai
justujū terī tarah ġham tirī qurbat kyā hai
sochtā rahtā huuñ āḳhir ye mohabbat kyā hai
ham ne logoñ se bahut zikr sunā thā lekin
un ko dekhā to ye jaanā ki qayāmat kyā hai
vahshī duniyā hai tirā pyaar nahīñ samjhegī
apne jazbāt dikhāne kī zarūrat kyā hai
ye bhī qudrat kā karishma hai ki duniyā meñ koī
aaj tak ye na samajh paayā ki qudrat kyā hai
tū ne duniyā kī havas dil meñ basā rakkhī hai
tere īmān se baḌh kar tirī daulat kyā hai
ik tirī zaat se qaa.em hai vajūd insāñ kā
varna insān kī duniyā meñ haqīqat kyā hai
jism kā husn tirī ruuh talak hai sāhil
ye nahīñ ho to ye miTTī kī imārat kyā hai
justuju teri tarah gham teri qurbat kya hai
sochta rahta hun aaKHir ye mohabbat kya hai
hum ne logon se bahut zikr suna tha lekin
un ko dekha to ye jaana ki qayamat kya hai
wahshi duniya hai tera pyar nahin samjhegi
apne jazbaat dikhane ki zarurat kya hai
ye bhi qudrat ka karishma hai ki duniya mein koi
aaj tak ye na samajh paya ki qudrat kya hai
tu ne duniya ki hawas dil mein basa rakkhi hai
tere iman se baDh kar teri daulat kya hai
ek teri zat se qaem hai wajud insan ka
warna insan ki duniya mein haqiqat kya hai
jism ka husn teri ruh talak hai sahil
ye nahin ho to ye miTTi ki imarat kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
