jun gul tu hanse hai khil-khila kar
jun gul tu hanse hai khil-khila kar
Sayyad Mohammad Meer Asar
MORE BYSayyad Mohammad Meer Asar
juuñ gul tū hañse hai khil-khilā kar
shabnam kī tarah mujhe rulā kar
mehmān ho yā ki yaañ tū aa kar
yā rakh mujhe apne haañ bulā kar
dar par tere ham ne ḳhaak chhānī
naqd-e-dil ḳhaak meñ milā kar
mānūs na thā vo but kisū se
Tuk raam kiyā ḳhudā ḳhudā kar
kin ne kahā aur se na mil tū
par ham se bhī kabhū milā kar
go ziist se haiñ ham aap bezār
itnā pe na jaan se ḳhafā kar
kuchh be-asroñ ko bhī asar ho
itnī to bhalā 'asar' duā kar
jun gul tu hanse hai khil-khila kar
shabnam ki tarah mujhe rula kar
mehman ho ya ki yan tu aa kar
ya rakh mujhe apne han bula kar
dar par tere hum ne KHak chhani
naqd-e-dil KHak mein mila kar
manus na tha wo but kisu se
Tuk ram kiya KHuda KHuda kar
kin ne kaha aur se na mil tu
par hum se bhi kabhu mila kar
go zist se hain hum aap bezar
itna pe na jaan se KHafa kar
kuchh be-asron ko bhi asar ho
itni to bhala 'asar' dua kar
- Deewan-e-asar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
