jun ibrat-e-kor jalwa-gar hun

juuñ ibrat-e-kor jalva-gar huuñ

albatta kuchh huuñ maiñ par kidhar huuñ

juuñ shīsha bharā huuñ mai se lekin

mastī se maiñ apnī be-ḳhabar huuñ

jo kahiye so yaañ se hai farautar

kyā jaane maiñ kis maqām par huuñ

ai sabr tanik tū rah ki tujh se

do-chār qadam maiñ peshtar huuñ

chal dāman o āstīñ tujhe kyā

lab-ḳhushk huuñ yā maiñ chashm-tar huuñ

ai baḳht-e-sa.īd terī daulat

ik yumn-e-qadam se huuñ jidhar huuñ

parvāne kī shab kī shaam huuñ maiñ

yā roz kī sham.a kī sahar huuñ

jī māñge hai ḳhush-dilī ko 'qā.em'

tū baiTh ke ro maiñ nauhagar huuñ

jun ibrat-e-kor jalwa-gar hun

albatta kuchh hun main par kidhar hun

jun shisha bhara hun mai se lekin

masti se main apni be-KHabar hun

jo kahiye so yan se hai farautar

kya jaane main kis maqam par hun

ai sabr tanik tu rah ki tujh se

do-chaar qadam main peshtar hun

chal daman o aastin tujhe kya

lab-KHushk hun ya main chashm-tar hun

ai baKHt-e-said teri daulat

ek yumn-e-qadam se hun jidhar hun

parwane ki shab ki sham hun main

ya roz ki shama ki sahar hun

ji mange hai KHush-dili ko 'qaem'

tu baiTh ke ro main nauhagar hun