juz-nihaal-e-arzu sine mein kya rakhta hun main
juz nihāl-e-ārzū siine meñ kyā rakhtā huuñ maiñ
koī bhī mausam ho ye paudā harā rakhtā huuñ maiñ
varna kyā bandhan hai ham meñ kaun sī zanjīr hai
bas yūñhī tujh par mirī jaañ maan sā rakhtā huuñ maiñ
kār-e-duniyā ko bhī kār-e-ishq meñ shāmil samajh
is liye ai zindagī terī pata rakhtā huuñ maiñ
maiñ kisī mushkil meñ tujh ko dekh saktā huuñ bhalā
dil-girafta kis liye hai dil baḌā rakhtā huuñ maiñ
be-niyāzī ḳhū sahī terī magar ye dhyān rakh
lauT jaane kā abhī ik rāsta rakhtā huuñ maiñ
juz nihaal-e-arzu sine mein kya rakhta hun main
koi bhi mausam ho ye pauda hara rakhta hun main
warna kya bandhan hai hum mein kaun si zanjir hai
bas yunhi tujh par meri jaan man sa rakhta hun main
kar-e-duniya ko bhi kar-e-ishq mein shamil samajh
is liye ai zindagi teri pata rakhta hun main
main kisi mushkil mein tujh ko dekh sakta hun bhala
dil-girafta kis liye hai dil baDa rakhta hun main
be-niyazi KHu sahi teri magar ye dhyan rakh
lauT jaane ka abhi ek rasta rakhta hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
