juz qais aur koi na aaya ba-ru-e-kar

juz qais aur koī na aayā ba-rū-e-kār

sahrā magar ba-tañgi-e-chashm-e-hasūd thā

āshuftagī ne naqsh-e-suvaidā kiyā durust

zāhir huā ki daaġh kā sarmāya duud thā

thā ḳhvāb meñ ḳhayāl ko tujh se muāmla

jab aañkh khul ga.ī na ziyāñ thā na suud thā

letā huuñ maktab-e-ġham-e-dil meñ sabaq hanūz

lekin yahī ki raft gayā aur buud thā

Dhāñpā kafan ne dāġh-e-uyūb-e-barahnagī

maiñ varna har libās meñ nañg-e-vajūd thā

teshe baġhair mar na sakā kohkan 'asad'

sargashta-e-ḳhumār-e-rusūm-o-quyūd thā

aalam jahāñ ba-arz-e-bisāt-e-vajūd thā

juuñ sub.h chāk-e-jeb mujhe tār-o-pūd thā

bāzī-ḳhur-e-fareb hai ahl-e-nazar kā zauq

hañgāma garm-e-hairat-e-būd-o-nabūd thā

aalam tilism-e-shahr-e-ḳhamoshī hai sar-basar

yā maiñ ġharīb-e-kishvar-e-guft-o-shunūd thā

tañgī rafīq-e-rah thī adam yā vajūd thā

merā safar ba-tāla-e-chashm-e-hasūd thā

tū yak-jahāñ qamāsh-e-havas jam.a kar ki maiñ

hairat-matā-e-ālam-e-nuqsān-o-sūd thā

gardish-muhīt-e-zulm rahā jis qadar falak

maiñ pā.emāl-e-ġhamza-e-chashm-e-kabūd thā

pūchhā thā garche yaar ne ahvāl-e-dil magar

kis ko dimāġh-e-minnat-e-guft-o-shunūd thā

ḳhur shabnam-āshnā na huā varna maiñ 'asad'

sar-tā-qadam guzārish-e-zauq-e-sujūd thā

juz qais aur koi na aaya ba-ru-e-kar

sahra magar ba-tangi-e-chashm-e-hasud tha

aashuftagi ne naqsh-e-suwaida kiya durust

zahir hua ki dagh ka sarmaya dud tha

tha KHwab mein KHayal ko tujh se muamla

jab aankh khul gai na ziyan tha na sud tha

leta hun maktab-e-gham-e-dil mein sabaq hanuz

lekin yahi ki raft gaya aur bud tha

Dhanpa kafan ne dagh-e-uyub-e-barahnagi

main warna har libas mein nang-e-wajud tha

teshe baghair mar na saka kohkan 'asad'

sargashta-e-KHumar-e-rusum-o-quyud tha

aalam jahan ba-arz-e-bisat-e-wajud tha

jun subh chaak-e-jeb mujhe tar-o-pud tha

bazi-KHur-e-fareb hai ahl-e-nazar ka zauq

hangama garm-e-hairat-e-bud-o-nabud tha

aalam tilism-e-shahr-e-KHamoshi hai sar-basar

ya main gharib-e-kishwar-e-guft-o-shunud tha

tangi rafiq-e-rah thi adam ya wajud tha

mera safar ba-tala-e-chashm-e-hasud tha

tu yak-jahan qamash-e-hawas jama kar ki main

hairat-mata-e-alam-e-nuqsan-o-sud tha

gardish-muhit-e-zulm raha jis qadar falak

main paemal-e-ghamza-e-chashm-e-kabud tha

puchha tha garche yar ne ahwal-e-dil magar

kis ko dimagh-e-minnat-e-guft-o-shunud tha

KHur shabnam-ashna na hua warna main 'asad'

sar-ta-qadam guzarish-e-zauq-e-sujud tha