kabe ko jaen kis liye aur kyun kunisht ko

ka.abe ko jaa.eñ kis liye aur kyuuñ kunisht ko

pahuñchīñ yahīñ se bandagiyāñ sañg-o-ḳhisht ko

gar husn-e-gandumī tirā un ko na thā pasand

aadam ne chhoḌā kis liye bāġh-e-bahisht ko

hai mere aage ek gul-o-ḳhār-o-nek-o-bad

allāh ne banāyā hai har ḳhūb-o-zisht ko

bārish zarūr chāhiye abr-e-fareb kī

shatranj saañ jo chāhe koī sabz-e-kisht ko

laayā ḳhudā jo ba.ad-e-anāsir zuhūr meñ

qaa.em kiyā hai mujh se par un kī sarisht ko

likkhā ḳhat-e-shikasta meñ hai yak-qalam vaqār

munshī-e-āsmāñ ne mirī sarnavisht ko

kabe ko jaen kis liye aur kyun kunisht ko

pahunchin yahin se bandagiyan sang-o-KHisht ko

gar husn-e-gandumi tera un ko na tha pasand

aadam ne chhoDa kis liye bagh-e-bahisht ko

hai mere aage ek gul-o-KHar-o-nek-o-bad

allah ne banaya hai har KHub-o-zisht ko

barish zarur chahiye abr-e-fareb ki

shatranj san jo chahe koi sabz-e-kisht ko

laya KHuda jo baad-e-anasir zuhur mein

qaem kiya hai mujh se par un ki sarisht ko

likkha KHat-e-shikasta mein hai yak-qalam waqar

munshi-e-asman ne meri sarnawisht ko