kabe mein ja raha to na do tana kya kahen

kaabe meñ jā rahā to na do ta.ana kyā kaheñ

bhūlā huuñ haqq-e-sohbat-e-ahl-e-kunisht ko

taa.at meñ tā rahe na mai-o-añgbīñ kī laag

dozaḳh meñ Daal do koī le kar bahisht ko

huuñ munharif na kyuuñ rah-o-rasm-e-savāb se

TeḌhā lagā hai qat qalam-e-sarnavisht ko

'ġhālib' kuchh apnī sa.ī se lahnā nahīñ mujhe

ḳhirman jale agar na malaḳh khaa.e kisht ko

kabe mein ja raha to na do tana kya kahen

bhula hun haqq-e-sohbat-e-ahl-e-kunisht ko

taat mein ta rahe na mai-o-angbin ki lag

dozaKH mein Dal do koi le kar bahisht ko

hun munharif na kyun rah-o-rasm-e-sawab se

TeDha laga hai qat qalam-e-sarnawisht ko

'ghaalib' kuchh apni sai se lahna nahin mujhe

KHirman jale agar na malaKH khae kisht ko