kaenat-e-husn mein ek barhami pati hun main

kā.enāt-e-husn meñ ik barhamī paatī huuñ maiñ

zindagī meñ zindagī hī kī kamī paatī huuñ maiñ

dekhiye yuuñ chhū na liije dil ke tāroñ ko mire

aap kī uljhī nigāhoñ se bhī ghabrātī huuñ maiñ

zaḳhm-e-dil zaḳhm-e-jigar kī baat phir se chheḌiye

saaz ke dilkash suroñ par ab ġhazal gaatī huuñ maiñ

ye garāñ-bārī-e-manzil ye tamannā-e-hasīñ

aap kī paiham navāzish kī qasam khātī huuñ maiñ

zindagī ne kyā diyā hai mujh ko ik ġham ke sivā

zindagī meñ rang bharne kab se muskātī huuñ maiñ

maiñ ne sajdoñ par nahīñ rakkhā madār-e-zindagī

zindagī meñ bandagī kā raaz pā jaatī huuñ maiñ

kaenat-e-husn mein ek barhami pati hun main

zindagi mein zindagi hi ki kami pati hun main

dekhiye yun chhu na lije dil ke taron ko mere

aap ki uljhi nigahon se bhi ghabraati hun main

zaKHm-e-dil zaKHm-e-jigar ki baat phir se chheDiye

saz ke dilkash suron par ab ghazal gati hun main

ye garan-bari-e-manzil ye tamanna-e-hasin

aap ki paiham nawazish ki qasam khati hun main

zindagi ne kya diya hai mujh ko ek gham ke siwa

zindagi mein rang bharne kab se muskati hun main

main ne sajdon par nahin rakkha madar-e-zindagi

zindagi mein bandagi ka raaz pa jati hun main