kafir banunga kufr ka saman to kijiye

kāfir banūñgā kufr kā sāmāñ to kījiye

pahle ghanerī zulf pareshāñ to kījiye

us nāz-e-hosh ko ki hai muusā pe tāna-zan

ik din naqāb ulaT ke pashīmāñ to kījiye

ushshāq bandagān-e-ḳhudā haiñ ḳhudā nahīñ

thoḌā sā narḳh-e-husn ko arzāñ to kījiye

qudrat ko ḳhud hai husn ke alfāz kā lihāz

iifā bhī ho hī jā.egā paimāñ to kījiye

tā-chand rasm-e-jāma-darī kī hikāyateñ

taklīf yak-tabassum-e-pinhāñ to kījiye

yuuñ sar na hogī 'josh' kabhī ishq kī muhim

dil ko ḳhirad se dast-o-garebāñ to kījiye

kafir banunga kufr ka saman to kijiye

pahle ghaneri zulf pareshan to kijiye

us naz-e-hosh ko ki hai musa pe tana-zan

ek din naqab ulaT ke pashiman to kijiye

ushshaq bandagan-e-KHuda hain KHuda nahin

thoDa sa narKH-e-husn ko arzan to kijiye

qudrat ko KHud hai husn ke alfaz ka lihaz

ifa bhi ho hi jaega paiman to kijiye

ta-chand rasm-e-jama-dari ki hikayaten

taklif yak-tabassum-e-pinhan to kijiye

yun sar na hogi 'josh' kabhi ishq ki muhim

dil ko KHirad se dast-o-gareban to kijiye