kaam agar hasb-e-muddaa na hua

kaam agar hasb-e-mudda.ā na huā

terā chāhā huā burā na huā

ḳhaak uḌtī jo ham ḳhudā hote

bandagī kā bhī haq adā na huā

sab jatāyā kiye niyāz-e-qadīm

vo kisī kā bhī āshnā na huā

raḳhsh-e-ayyām ko qarār kahāñ

idhar aayā udhar ravāna huā

kyā khule jo kabhī na thā pinhāñ

kyuuñ mile jo kabhī judā na huā

saḳht fitna jahān meñ uThtā

koī tujh sā tire sivā na huā

jo gadhā ḳhū-e-bad kī daldal meñ

jā phañsā phir kabhī rihā na huā

tū na ho ye to ho nahīñ saktā

merā kyā thā huā huā na huā

rah-rav-e-maslak-e-tavkkul hai

vo jo muhtāj ġhair kā na huā

kaam agar hasb-e-muddaa na hua

tera chaha hua bura na hua

KHak uDti jo hum KHuda hote

bandagi ka bhi haq ada na hua

sab jataya kiye niyaz-e-qadim

wo kisi ka bhi aashna na hua

raKHsh-e-ayyam ko qarar kahan

idhar aaya udhar rawana hua

kya khule jo kabhi na tha pinhan

kyun mile jo kabhi juda na hua

saKHt fitna jahan mein uThta

koi tujh sa tere siwa na hua

jo gadha KHu-e-bad ki daldal mein

ja phansa phir kabhi riha na hua

tu na ho ye to ho nahin sakta

mera kya tha hua hua na hua

rah-raw-e-maslak-e-tawkkul hai

wo jo muhtaj ghair ka na hua