kaam bas nam ka nahin hota

kaam bas naam kā nahīñ hotā

naam kuchh kaam kā nahīñ hotā

aaj kī shaam kā jo aalam hai

har kisī shaam kā nahīñ hotā

chain had se baḌhā to yāroñ phir

chain ārām kā nahīñ hotā

yuuñ to is be-ḳhudī ke mas.ale meñ

sab gunāh jaam kā nahīñ hotā

aage āġhāz kā tarīqa thā

ab to anjām kā nahīñ hotā

intizār āhaToñ kā jitnā hai

itnā paiġhām kā nahīñ hotā

dard to sirf dard hai ke dard

ḳhaas yā aam kā nahīñ hotā

ek pal maiñ ne bhī to bāñdhā hai

pyaar bas raam kā nahīñ hotā

har koī daropdī bache itnā

hausla shyām kā nahīñ hotā

kaam bas nam ka nahin hota

nam kuchh kaam ka nahin hota

aaj ki sham ka jo aalam hai

har kisi sham ka nahin hota

chain had se baDha to yaron phir

chain aaram ka nahin hota

yun to is be-KHudi ke masale mein

sab gunah jam ka nahin hota

aage aaghaz ka tariqa tha

ab to anjam ka nahin hota

intizar aahaTon ka jitna hai

itna paigham ka nahin hota

dard to sirf dard hai ke dard

KHas ya aam ka nahin hota

ek pal main ne bhi to bandha hai

pyar bas ram ka nahin hota

har koi daropdi bache itna

hausla shyam ka nahin hota