kaam-jui rah-o-rasm-e-am hai

kām-jūī rāh-o-rasm-e-'ām hai

jāñ-nisāroñ ko vafā se kaam hai

husn kī fitna-nigāhī kam nahīñ

'ishq hī par kyoñ ye sab ilzām hai

ḳhūn-e-ahl-e-dil se jo rangīn hai

aisī duniyā se mujhe kyā kaam hai

aap aur hoñ merī barbādī pe shaad

kyā mohabbat kā yahī anjām hai

sāhab-e-zauq-e-nazar to ho koī

ham ne maanā terā jalva 'aam hai

dekh kar dār-o-rasan himmat na haar

manzil-e-maqsūd bas do-gām hai

zarre-zarre meñ ye josh-e-inqalāb

us nigāh-e-‘ishva-gar kā kaam hai

vā'iz-e-ḳhush-go kī bātoñ par na jā

us ke mai-ḳhāne meñ ḳhālī jaam hai

dekh kar tevar tire badle hue

saarī duniyā larza-bar-andām hai

hai vo ik taḳh.īl-e-rangīñ kī bahār

vā’izoñ meñ jis kā jannat naam hai

dānish-e-imroz ke sarmāya-dār

terī fikr-e-sūd-e-'ālam ḳhaam hai

husn kī 'aḳhtar' ġhalat-baḳhshī na pūchh

bul-havas par lutf hai in'ām hai

kaam-jui rah-o-rasm-e-'am hai

jaan-nisaron ko wafa se kaam hai

husn ki fitna-nigahi kam nahin

'ishq hi par kyon ye sab ilzam hai

KHun-e-ahl-e-dil se jo rangin hai

aisi duniya se mujhe kya kaam hai

aap aur hon meri barbaadi pe shad

kya mohabbat ka yahi anjam hai

sahab-e-zauq-e-nazar to ho koi

hum ne mana tera jalwa 'am hai

dekh kar dar-o-rasan himmat na haar

manzil-e-maqsud bas do-gam hai

zarre-zarre mein ye josh-e-inqalab

us nigah-e-‘ishwa-gar ka kaam hai

wa'iz-e-KHush-go ki baaton par na ja

us ke mai-KHane mein KHali jam hai

dekh kar tewar tere badle hue

sari duniya larza-bar-andam hai

hai wo ek taKHil-e-rangin ki bahaar

wa’izon mein jis ka jannat nam hai

danish-e-imroz ke sarmaya-dar

teri fikr-e-sud-e-'alam KHam hai

husn ki 'aKHtar' ghalat-baKHshi na puchh

bul-hawas par lutf hai in'am hai