kar-e-bekar ki hasrat hi nahin

kār-e-bekār kī hasrat hī nahīñ

zindagī mujh ko ġhanīmat hī nahīñ

paayā tujh ko to ye jaanā ham ne

hāsil-e-zīst masarrat hī nahīñ

vasl to un kā mayassar hai magar

ab kisī chiiz se raġhbat hī nahīñ

ai tire naaz uThāne ke liye

ab dil-e-zār farāġhat hī nahīñ

ham ne to bārhā ye chāhā magar

lab-kushā.ī kī ijāzat hī nahīñ

jogiyā dard se to chuur hai dil

ab hameñ dard kī vahshat hī nahīñ

'jogī' yak-tarfa tamāshā hai yahāñ

baat karne kī zarūrat hī nahīñ

kar-e-bekar ki hasrat hi nahin

zindagi mujh ko ghanimat hi nahin

paya tujh ko to ye jaana hum ne

hasil-e-zist masarrat hi nahin

wasl to un ka mayassar hai magar

ab kisi chiz se raghbat hi nahin

ai tere naz uThane ke liye

ab dil-e-zar faraghat hi nahin

hum ne to barha ye chaha magar

lab-kushai ki ijazat hi nahin

jogiya dard se to chur hai dil

ab hamein dard ki wahshat hi nahin

'jogi' yak-tarfa tamasha hai yahan

baat karne ki zarurat hi nahin