kar-nama ai gham-e-dil kuchh tera ye kam nahin

kār-nāma ai ġham-e-dil kuchh tirā ye kam nahīñ

bah ga.e āñkhoñ se dariyā aur āñkheñ nam nahīñ

saaf thā har lafz us kī be-badal taqrīr kā

phir lahū ne naqsh jo chhoḌe haiñ vo mub.ham nahīñ

har zamāne meñ nahīñ pahchānñā mushkil unheñ

sar qalam hote raheñge un ke lekin ġham nahīñ

karbalā hī ne kiye haiñ murtasim dil par nuqūsh

varna is duniyā meñ ġham kī vārdāteñ kam nahīñ

dil hī dil vo bhīgī lakḌī kī tarah sulgā kiyā

us ke chehre se to lagtā thā ki koī ġham nahīñ

kaifiyat kaisī ajab is shahr kī yādoñ kī hai

garm hai ātish nahīñ aur sard hai shabnam nahīñ

ik alag tahzīb hai tanhā.iyoñ ke shahr kī

ek hī aalam hamesha aur koī mausam nahīñ

phir rahe haiñ log phir hāthoñ meñ sañg-reze liye

aur apne sar meñ saudā is ghaḌī kuchh kam nahīñ

ham se 'ābid' apne rahbar ko shikāyat ye rahī

aañkh mūñde un ke pīchhe chalne vaale ham nahīñ

kar-nama ai gham-e-dil kuchh tera ye kam nahin

bah gae aankhon se dariya aur aankhen nam nahin

saf tha har lafz us ki be-badal taqrir ka

phir lahu ne naqsh jo chhoDe hain wo mubham nahin

har zamane mein nahin pahchanna mushkil unhen

sar qalam hote rahenge un ke lekin gham nahin

karbala hi ne kiye hain murtasim dil par nuqush

warna is duniya mein gham ki wardaten kam nahin

dil hi dil wo bhigi lakDi ki tarah sulga kiya

us ke chehre se to lagta tha ki koi gham nahin

kaifiyat kaisi ajab is shahr ki yaadon ki hai

garm hai aatish nahin aur sard hai shabnam nahin

ek alag tahzib hai tanhaiyon ke shahr ki

ek hi aalam hamesha aur koi mausam nahin

phir rahe hain log phir hathon mein sang-reze liye

aur apne sar mein sauda is ghaDi kuchh kam nahin

hum se 'abid' apne rahbar ko shikayat ye rahi

aankh munde un ke pichhe chalne wale hum nahin