kasa-e-dil jo TuT jaega

kāsa-e-dil jo TuuT jā.egā

phir ye saa.il nazar na aa.egā

tū to ḳhuddār hai kisī dar par

kaise dast-e-talab baḌhā.egā

āñdhiyoñ meñ diye jalāne se

rāhbar raah bhuul jā.egā

TimTimātā huā har ik taarā

sham.a ummīd kī jalā.egā

nā-umīdī hī jab muqaddar hai

kaise taqdīr āzmā.egā

dekh kar āsmāñ jo chaltā hai

vo bhī Thokar zarūr khā.egā

jis ne dhoke bahār se khaa.e

vo ḳhizāñ ko gale lagā.egā

manziloñ kā ḳhayāl 'sailānī'

ik nayā rāsta dikhā.egā

kasa-e-dil jo TuT jaega

phir ye sail nazar na aaega

tu to KHuddar hai kisi dar par

kaise dast-e-talab baDhaega

aandhiyon mein diye jalane se

rahbar rah bhul jaega

TimTimata hua har ek tara

shama ummid ki jalaega

na-umidi hi jab muqaddar hai

kaise taqdir aazmaega

dekh kar aasman jo chalta hai

wo bhi Thokar zarur khaega

jis ne dhoke bahaar se khae

wo KHizan ko gale lagaega

manzilon ka KHayal 'sailani'

ek naya rasta dikhaega