kash ko likkha hai kasha shukriya

kaash ko likkhā hai kāshā shukriya

lafz ko tum ne tarāshā shukriya

aap kī ḳhvāhish to puurī ho ga.ī

ban gayā huuñ maiñ tamāshā shukriya

mehrbānī mujh pe tum donoñ kī thī

is liye aashā nirāshā shukriya

hai ġharaz mujh ko faqat āvāz se

aap boleñ jo bhī bhāshā shukriya

tum ne rakkhā hai bahut merā ḳhayāl

ai sabīna aur natāshā shukriya

bad-duā.eñ lafz kī lete nahīñ

paash ko likkho na pāshā shukriya

mah-jabīno ab ijāzat do mujhe

shukriya aur be-tahāshā shukriya

kash ko likkha hai kasha shukriya

lafz ko tum ne tarasha shukriya

aap ki KHwahish to puri ho gai

ban gaya hun main tamasha shukriya

mehrbani mujh pe tum donon ki thi

is liye aasha nirasha shukriya

hai gharaz mujh ko faqat aawaz se

aap bolen jo bhi bhasha shukriya

tum ne rakkha hai bahut mera KHayal

ai sabina aur natasha shukriya

bad-duaen lafz ki lete nahin

pash ko likkho na pasha shukriya

mah-jabino ab ijazat do mujhe

shukriya aur be-tahasha shukriya