kash main tujh sa bewafa hota
kaash maiñ tujh sā bevafā hotā
phir mujhe tujh se kyā gila hotā
ishq hotā hai kyā patā hotā
gar parindoñ se vāsta hotā
bol ke mujh se gar judā hotā
milne-julne kā silsila hotā
yuuñ ho ki ghar banā.eñ dīvāreñ
raat hote hī ghar gayā hotā
bevafā.ī kā surḳh rañg bhī hai
ishq meñ varna kyā maza hotā
ḳhud pe gar iḳhtiyār hotā to
duur maiñ tujh se jā chukā hotā
hisse meñ aatā sirf amīroñ ke
ishq paisoñ meñ gar bikā hotā
kash main tujh sa bewafa hota
phir mujhe tujh se kya gila hota
ishq hota hai kya pata hota
gar parindon se wasta hota
bol ke mujh se gar juda hota
milne-julne ka silsila hota
yun ho ki ghar banaen diwaren
raat hote hi ghar gaya hota
bewafai ka surKH rang bhi hai
ishq mein warna kya maza hota
KHud pe gar iKHtiyar hota to
dur main tujh se ja chuka hota
hisse mein aata sirf amiron ke
ishq paison mein gar bika hota
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
