katib-e-taqdir mere haq mein kuchh tahrir ho
kātib-e-taqdīr mere haq meñ kuchh tahrīr ho
ranj ho yā shādmānī kuchh to dāman-gīr ho
āb-rūd-e-zīst ke kuchh ghūñT zahrīle bhī hoñ
maiñ ne kab chāhā thā har qatra mujhe iksīr ho
ahd-e-āzādī se behtar qaid-e-zindāñ ho to phir
toḌ dene kī qafas ko kyuuñ koī tadbīr ho
tez lahreñ aa hī jaatī haiñ miTāne ke liye
jab lab-e-sāhil gharauñdā ret kā tāmīr ho
ġham rahe pinhāñ dar o dīvār dil ke darmiyāñ
kyā zarūrī hai ki karb-e-zīst kī tash.hīr ho
katib-e-taqdir mere haq mein kuchh tahrir ho
ranj ho ya shadmani kuchh to daman-gir ho
aab-rud-e-zist ke kuchh ghunT zahrile bhi hon
main ne kab chaha tha har qatra mujhe iksir ho
ahd-e-azadi se behtar qaid-e-zindan ho to phir
toD dene ki qafas ko kyun koi tadbir ho
tez lahren aa hi jati hain miTane ke liye
jab lab-e-sahil gharaunda ret ka tamir ho
gham rahe pinhan dar o diwar dil ke darmiyan
kya zaruri hai ki karb-e-zist ki tashhir ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
