kab aap ka dar jalwa-gah-e-am nahin hai

kab aap kā dar jalva-gah-e-ām nahīñ hai

kab shām-o-sahar daur meñ vaañ jaam nahīñ hai

baḳhshā hai sharaf ham ko huzūrī kā tum hī ne

ab ham ko kisī aur se kuchh kaam nahīñ hai

vo sub.h nahīñ jis meñ na ho zikr tumhārā

jo yaad se ḳhālī rahe vo shaam nahīñ hai

phir paas bulā lījiye ai shāh-e-madīna

ham hind meñ jiite to haiñ ārām nahīñ hai

taiba se bahut duur haiñ be-lutf hai jiinā

vo sub.h mayassar nahīñ vo shaam nahīñ hai

ho pesh-e-nazar gumbad-e-ḳhazrā dam-e-āḳhir

is se to koī aur ḳhush-anjām nahīñ hai

har sher mirā 'tahniyat' ik nāla-e-dil hai

is se mujhe manzūr koī naam nahīñ hai

kab aap ka dar jalwa-gah-e-am nahin hai

kab sham-o-sahar daur mein wan jam nahin hai

baKHsha hai sharaf hum ko huzuri ka tum hi ne

ab hum ko kisi aur se kuchh kaam nahin hai

wo subh nahin jis mein na ho zikr tumhaara

jo yaad se KHali rahe wo sham nahin hai

phir pas bula lijiye ai shah-e-madina

hum hind mein jite to hain aaram nahin hai

taiba se bahut dur hain be-lutf hai jina

wo subh mayassar nahin wo sham nahin hai

ho pesh-e-nazar gumbad-e-KHazra dam-e-aKHir

is se to koi aur KHush-anjam nahin hai

har sher mera 'tahniyat' ek nala-e-dil hai

is se mujhe manzur koi nam nahin hai