kab kahan kya mere dildar uTha laenge

kab kahāñ kyā mire dildār uThā lā.eñge

vasl meñ bhī dil-e-be-zār uThā lā.eñge

chāhiye kyā tumheñ tohfe meñ batā do varna

ham to bāzār ke bāzār uThā lā.eñge

yuuñ mohabbat se na ham ḳhāna-ba-doshoñ ko bulā

itne saada haiñ ki ghar-bār uThā lā.eñge

ek misre se ziyāda to nahīñ bār-e-vajūd

tum pukāroge to har baar uThā lā.eñge

gar kisī jashn-e-masarrat meñ chale bhī jaa.eñ

chun ke aañsū tire ġham-ḳhvār uThā lā.eñge

kaun sā phuul sajegā tire juuḌe meñ bhalā

is shash-o-panj meñ gulzār uThā lā.eñge

kab kahan kya mere dildar uTha laenge

wasl mein bhi dil-e-be-zar uTha laenge

chahiye kya tumhein tohfe mein bata do warna

hum to bazar ke bazar uTha laenge

yun mohabbat se na hum KHana-ba-doshon ko bula

itne sada hain ki ghar-bar uTha laenge

ek misre se ziyaada to nahin bar-e-wajud

tum pukaroge to har bar uTha laenge

gar kisi jashn-e-masarrat mein chale bhi jaen

chun ke aansu tere gham-KHwar uTha laenge

kaun sa phul sajega tere juDe mein bhala

is shash-o-panj mein gulzar uTha laenge