kab suni tumne ragni meri

kab sunī tum ne rāgnī merī

guftanī hai ye ḳhāmushī merī

ek aahaT se jāgtī huuñ maiñ

ek dastak hai zindagī merī

abr-e-zulmat kise Darātā hai

aur phailegī chāñdnī merī

kaun Thahregā dekhnā ye hai

daur-e-mīnā yā tishnagī merī

aah aayā hī thā vo sapne meñ

daf.atan aañkh khul ga.ī merī

vaj.h-e-bechainī kyā batā.ūñ maiñ

chain terā hai be-kalī merī

tujh pe guzre na ālam-e-vahshat

tū na dekhe ye bebasī merī

is ne rakkhā jo sāmne sāġhar

baḌh ga.ī aur tishnagī merī

maiñ to saa.e se apne katrā.ūñ

dekh ḳhud se ye kaj-ravī merī

tum farozāñ ho ik sitāre se

mere andar hai raushnī merī

tujh ko dekhūñ yā kuchh nahīñ dekhūñ

terī ḳhvāhish hai dīdanī merī

kab suni tum ne ragni meri

guftani hai ye KHamushi meri

ek aahaT se jagti hun main

ek dastak hai zindagi meri

abr-e-zulmat kise Daraata hai

aur phailegi chandni meri

kaun Thahrega dekhna ye hai

daur-e-mina ya tishnagi meri

aah aaya hi tha wo sapne mein

dafatan aankh khul gai meri

wajh-e-bechaini kya bataun main

chain tera hai be-kali meri

tujh pe guzre na aalam-e-wahshat

tu na dekhe ye bebasi meri

is ne rakkha jo samne saghar

baDh gai aur tishnagi meri

main to sae se apne katraun

dekh KHud se ye kaj-rawi meri

tum farozan ho ek sitare se

mere andar hai raushni meri

tujh ko dekhun ya kuchh nahin dekhun

teri KHwahish hai didani meri