kab tak mahkegi be-as gulabon mein

kab tak mahkegī be-ās gulāboñ meñ

mar jā.egī ḳhushbū band kitāboñ meñ

kabhī darūn-e-zāt ke manzar the in meñ

kankar hī kankar haiñ ab tālāboñ meñ

haath lagāte hī miTTī kā Dher hue

kaise kaise rañg bhare the ḳhvāboñ meñ

girtī jaa.e rishtoñ kī mazbūt fasīl

naḳhlistān badaltā jaa.e sarāboñ meñ

zehnoñ meñ tashvīsh diloñ meñ ḳhauf bahut

saarī bastī hai mahsūr 'azāboñ meñ

aa.ī hisāboñ meñ jab duniyā kī tasḳhīr

ik lamha ġhā.eb thā sabhī hisāboñ meñ

kab tak mahkegi be-as gulabon mein

mar jaegi KHushbu band kitabon mein

kabhi darun-e-zat ke manzar the in mein

kankar hi kankar hain ab talabon mein

hath lagate hi miTTi ka Dher hue

kaise kaise rang bhare the KHwabon mein

girti jae rishton ki mazbut fasil

naKHlistan badalta jae sarabon mein

zehnon mein tashwish dilon mein KHauf bahut

sari basti hai mahsur 'azabon mein

aai hisabon mein jab duniya ki tasKHir

ek lamha ghaeb tha sabhi hisabon mein