kab tak us ka hijr manata sahra chhoD diya

kab tak us kā hijr manātā sahrā chhoḌ diyā

jiine kī ummīd meñ maiñ ne kyā kyā chhoḌ diyā

mere saath lagā rahtā hai yādoñ kā bādal

dhūp-bhare rastoñ par us ne saaya chhoḌ diyā

har chehre par ik chehre kā dhoka hotā hai

kis ne mujh ko is bastī meñ tanhā chhoḌ diyā

duniyā sab kuchh jaan ga.ī hai mere baare meñ

bint-e-alam ne nā-mahram se parda chhoḌ diyā

pahle pahle ḳhauf bahut aatā thā marne se

phir vo manzil aa.ī maiñ ne Darnā chhoḌ diyā

kab tak us ka hijr manata sahra chhoD diya

jine ki ummid mein main ne kya kya chhoD diya

mere sath laga rahta hai yaadon ka baadal

dhup-bhare raston par us ne saya chhoD diya

har chehre par ek chehre ka dhoka hota hai

kis ne mujh ko is basti mein tanha chhoD diya

duniya sab kuchh jaan gai hai mere bare mein

bint-e-alam ne na-mahram se parda chhoD diya

pahle pahle KHauf bahut aata tha marne se

phir wo manzil aai main ne Darna chhoD diya