kab tasawwur yar-e-gul-ruKHsar ka fel-e-abas

kab tasavvur yār-e-gul-ruḳhsār kā fe.l-e-abas

ishq hai is gulshan-o-gulzār kā fe.al-e-abas

nik.hat-e-gasu-e-ḳhūbāñ ne kiyā be-qadr use

ab hai saudā nāfa-e-tātār kā fe.al-e-abas

rishtha-e-ulfat rag-e-jāñ meñ butoñ kā paḌ gayā

ab ba-zāhir shaġhl hai zunnār kā fe.al-e-abas

ārzū-mand-e-shahādat āshiq-e-sādiq hue

ġhair ko Dar hai tirī talvār kā fe.al-e-abas

jab dil-e-sañgīñ-dilāñ meñ kuchh asar hotā nahīñ

girya hai is dīda-e-ḳhūñ-bār kā fe.al-e-abas

ḳhvāb meñ bhī yaar ko is kā ḳhayāl aatā nahīñ

jāgnā thā dīda-e-bedār kā fe.al-e-abas

ḳhālī-az-hikmat huā 'bahrām' kab fel-e-hakīm

kaam kab hai dāvar-e-dādār kā fe.al-e-abas

kab tasawwur yar-e-gul-ruKHsar ka fel-e-abas

ishq hai is gulshan-o-gulzar ka feal-e-abas

nikhat-e-gasu-e-KHuban ne kiya be-qadr use

ab hai sauda nafa-e-tatar ka feal-e-abas

rishtha-e-ulfat rag-e-jaan mein buton ka paD gaya

ab ba-zahir shaghl hai zunnar ka feal-e-abas

aarzu-mand-e-shahadat aashiq-e-sadiq hue

ghair ko Dar hai teri talwar ka feal-e-abas

jab dil-e-sangin-dilan mein kuchh asar hota nahin

girya hai is dida-e-KHun-bar ka feal-e-abas

KHwab mein bhi yar ko is ka KHayal aata nahin

jagna tha dida-e-bedar ka feal-e-abas

KHali-az-hikmat hua 'bahram' kab fel-e-hakim

kaam kab hai dawar-e-dadar ka feal-e-abas