kabhi ai ashk-e-tar aankhon se Dhal paD

kabhī ai ashk-e-tar āñkhoñ se Dhal paḌ

kabhī ai āh-e-dil muñh se nikal paḌ

na ai pā-e-tasavvur itnā shal paḌ

kabhī tū lā-makāñ se aage chal paḌ

huā vo but na do din bhī kabhī raam

jahannam meñ tū ai ilm-o-amal paḌ

vo raqsāñ bazm meñ haiñ tū bhī ai dil

kabhī to vajd meñ aa kar uchhal paḌ

kisī din to kabhī ai abr-e-rahmat

mire bait-ul-huzan meñ bhī uñDal paḌ

gul-e-āriz pe un ke misl-e-bulbul

kabhī o tifl-e-dil tū bhī machal paḌ

mire aage kabhī haath apne dho kar

raqīboñ ke bhī pīchhe ai ajal paḌ

bahe go ālam-e-imkāñ par ai chashm

kabhī to sūrat-e-zamzam ubal paḌ

nibhī ik pal kabhī jis se na ai dil

usī sarkash ke phir qadmoñ pe chal paḌ

kabhī o sher-e-vasf-e-sā.id-e-yār

mire ḳhāme ke bhī sāñche se Dhal paḌ

'vaqār' us bazm meñ tū bhī sadaf-vār

dahān-e-pāk se motī ugal paḌ

kabhi ai ashk-e-tar aankhon se Dhal paD

kabhi ai aah-e-dil munh se nikal paD

na ai pa-e-tasawwur itna shal paD

kabhi tu la-makan se aage chal paD

hua wo but na do din bhi kabhi ram

jahannam mein tu ai ilm-o-amal paD

wo raqsan bazm mein hain tu bhi ai dil

kabhi to wajd mein aa kar uchhal paD

kisi din to kabhi ai abr-e-rahmat

mere bait-ul-huzan mein bhi unDal paD

gul-e-ariz pe un ke misl-e-bulbul

kabhi o tifl-e-dil tu bhi machal paD

mere aage kabhi hath apne dho kar

raqibon ke bhi pichhe ai ajal paD

bahe go aalam-e-imkan par ai chashm

kabhi to surat-e-zamzam ubal paD

nibhi ek pal kabhi jis se na ai dil

usi sarkash ke phir qadmon pe chal paD

kabhi o sher-e-wasf-e-said-e-yar

mere KHame ke bhi sanche se Dhal paD

'waqar' us bazm mein tu bhi sadaf-war

dahan-e-pak se moti ugal paD