kabhi angDai le kar jab samundar jag uThta hai

kabhī añgḌā.ī le kar jab samundar jaag uThtā hai

mire andar purānā ik shanāvar jaag uThtā hai

nasheman-gīr haiñ taa.ir bhalā samjheñ to kyā samjheñ

vo kaifiyat ki jab shāhīñ kā shahpar jaag uThtā hai

maiñ jab bhī khīñchtā huuñ ek naqsha roz-e-raushan kā

na jaane kaise is meñ shab kā manzar jaag uThtā hai

zamāna gāmzan hai phir unhī hālāt kī jānib

biphar kar jab abābīloñ kā lashkar jaag uThtā hai

mire ehsās kī rag se ulajh paḌtā hai jo lamha

usī lamhe taḌap kar ik suḳhan-var jaag uThtā hai

vo taare jo chamak rakhte nahīñ kuchh roz-e-raushan meñ

shab-e-tārīk meñ un kā muqaddar jaag uThtā hai

ye maanā sail-e-ashk-e-ġham nahīñ kuchh kam magar 'arshad'

zarā utrā nahīñ dariyā ki banjar jaag uThtā hai

kabhi angDai le kar jab samundar jag uThta hai

mere andar purana ek shanawar jag uThta hai

nasheman-gir hain tair bhala samjhen to kya samjhen

wo kaifiyat ki jab shahin ka shahpar jag uThta hai

main jab bhi khinchta hun ek naqsha roz-e-raushan ka

na jaane kaise is mein shab ka manzar jag uThta hai

zamana gamzan hai phir unhi haalat ki jaanib

biphar kar jab ababilon ka lashkar jag uThta hai

mere ehsas ki rag se ulajh paDta hai jo lamha

usi lamhe taDap kar ek suKHan-war jag uThta hai

wo tare jo chamak rakhte nahin kuchh roz-e-raushan mein

shab-e-tarik mein un ka muqaddar jag uThta hai

ye mana sail-e-ashk-e-gham nahin kuchh kam magar 'arshad'

zara utra nahin dariya ki banjar jag uThta hai