kabhi gesu na bigDe qatil ke

kabhī gesū na bigḌe qātil ke

nāz-bardār haiñ mire dil ke

mujh ko aġhyār se bhī ulfat hai

ki ye kushte haiñ mere qātil ke

uThe jaate haiñ bazm-e-ālam se

aane vaale tumhārī mahfil ke

un ke dar tak pahuñch ke martā huuñ

Dūbtā huuñ qarīb sāhil ke

dāġh-e-dil ghuT rahe haiñ piirī meñ

bujh rahe haiñ charāġh mahfil ke

hai musāfir-navāz teġh tirī

mujh ko ruḳhsat kiyā gale mil ke

ai 'rashīd' 'uns' tak the ham shā.ir

ho ga.e ḳhaak hausle dil ke

kabhi gesu na bigDe qatil ke

naz-bardar hain mere dil ke

mujh ko aghyar se bhi ulfat hai

ki ye kushte hain mere qatil ke

uThe jate hain bazm-e-alam se

aane wale tumhaari mahfil ke

un ke dar tak pahunch ke marta hun

Dubta hun qarib sahil ke

dagh-e-dil ghuT rahe hain piri mein

bujh rahe hain charagh mahfil ke

hai musafir-nawaz tegh teri

mujh ko ruKHsat kiya gale mil ke

ai 'rashid' 'uns' tak the hum shair

ho gae KHak hausle dil ke