kabhi gulon kabhi Khaaron ke darmiyan guzri

kabhī guloñ kabhī ḳhāroñ ke darmiyāñ guzrī

sabā chaman se ba-zāhir to shādmāñ guzrī

usī kā naam azal hai usī kā naam abad

vo ek raat jo phūloñ ke darmiyāñ guzrī

kahīñ lapak uThe sho.ale kahīñ mahak uThe gul

shab-e-firāq na pūchho kahāñ kahāñ guzrī

ba-shakl-e-qāmat-e-ādam ba-tarz-e-raqs-e-parī

hamāre sar pe qayāmat bhī kyā javāñ guzrī

kabhī kabhī to ġham-e-dil kī lai baḌhī itnī

dil-e-hayāt kī dhaḌkan bhī kuchh garāñ guzrī

baḌe nasheb bahut pech-o-ḳham the rāhoñ meñ

magar ye umr-e-do-roza ravāñ-davāñ guzrī

baham rahe haiñ sar-o-sīna yak-digar kyā kyā

ki sar pe teġh paḌī dil se jab sināñ guzrī

kabhi gulon kabhi KHaron ke darmiyan guzri

saba chaman se ba-zahir to shadman guzri

usi ka nam azal hai usi ka nam abad

wo ek raat jo phulon ke darmiyan guzri

kahin lapak uThe shoale kahin mahak uThe gul

shab-e-firaq na puchho kahan kahan guzri

ba-shakl-e-qamat-e-adam ba-tarz-e-raqs-e-pari

hamare sar pe qayamat bhi kya jawan guzri

kabhi kabhi to gham-e-dil ki lai baDhi itni

dil-e-hayat ki dhaDkan bhi kuchh garan guzri

baDe nasheb bahut pech-o-KHam the rahon mein

magar ye umr-e-do-roza rawan-dawan guzri

baham rahe hain sar-o-sina yak-digar kya kya

ki sar pe tegh paDi dil se jab sinan guzri