aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kabhi jo aankhon mein pal-bhar ko KHwab jagte hain

Akhlaque Bandvi

kabhi jo aankhon mein pal-bhar ko KHwab jagte hain

Akhlaque Bandvi

MORE BYAkhlaque Bandvi

    kabhī jo āñkhoñ meñ pal-bhar ko ḳhvāb jāgte haiñ

    to phir mahīnoñ musalsal azaab jāgte haiñ

    kisī ke lams tāsīr hai ki barsoñ ba.ad

    mirī kitāboñ meñ ab bhī gulāb jāgte haiñ

    burā.ī kuchh to yaqīnan hai be-hijābī meñ

    magar vo fitne jo zer-e-naqāb jāgte haiñ

    sitam-shi.āroñ hamārā tum imtihān na lo

    hamāre sabr se sad inqalāb jāgte haiñ

    hameñ ḳhud apnī samā.at pe sharam aatī hai

    ki mimbaroñ se ab aise ḳhitāb jāgte haiñ

    ye niiñd letī hai 'aḳhlāq' vo ḳhirāj ki bas

    jo ḳhuub sote haiñ ho kar ḳharāb jāgte haiñ

    kabhi jo aankhon mein pal-bhar ko KHwab jagte hain

    to phir mahinon musalsal azab jagte hain

    kisi ke lams ki tasir hai ki barson baad

    meri kitabon mein ab bhi gulab jagte hain

    burai kuchh to yaqinan hai be-hijabi mein

    magar wo fitne jo zer-e-naqab jagte hain

    sitam-shiaron hamara tum imtihan na lo

    hamare sabr se sad inqalab jagte hain

    hamein KHud apni samaat pe sharam aati hai

    ki mimbaron se ab aise KHitab jagte hain

    ye nind leti hai 'aKHlaq' wo KHiraj ki bas

    jo KHub sote hain ho kar KHarab jagte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now