kabhi koi rona kabhi koi rona

kabhī koī ronā kabhī koī ronā

kabhī ek mātam kabhī ek mātam

na kyuuñ dil se bāteñ kareñ ham musalsal

yahī ek monis yahī ek hamdam

hameñ ḳhauf aatā hai ab dostī se

magar aap irshād kar deñ to sar ḳham

bhalā shaiḳh-sāhab hameñ kyuuñ pilā.eñ

baḌī mushkiloñ se huī hai farāham

use ġhaur se dekhnā chāhtā huuñ

zamāne kī gardish zarā ruk zarā tham

mirī tarah haukā nahīñ shaiḳh-jī ko

lihāzā vo ye shauq karte haiñ kam-kam

'shu.ūr' ik din pesh honā paḌegā

kahāñ tak bachoge azīz-e-mukarram

kabhi koi rona kabhi koi rona

kabhi ek matam kabhi ek matam

na kyun dil se baaten karen hum musalsal

yahi ek monis yahi ek hamdam

hamein KHauf aata hai ab dosti se

magar aap irshad kar den to sar KHam

bhala shaiKH-sahab hamein kyun pilaen

baDi mushkilon se hui hai faraham

use ghaur se dekhna chahta hun

zamane ki gardish zara ruk zara tham

meri tarah hauka nahin shaiKH-ji ko

lihaza wo ye shauq karte hain kam-kam

'shuur' ek din pesh hona paDega

kahan tak bachoge aziz-e-mukarram