kabhi milte the wo humse zamana yaad aata hai

kabhī milte the vo ham se zamāna yaad aatā hai

badal kar vaz.a chhup kar shab ko aanā yaad aatā hai

vo bāteñ bholī bholī aur vo shoḳhī naaz o ġhamza kī

vo hañs hañs kar tirā mujh ko rulānā yaad aatā hai

gale meñ Daal kar bāñheñ vo lab se lab milā denā

phir apne haath se sāġhar pilānā yaad aatā hai

badalnā karvaT aur takiya mire pahlū meñ rakh denā

vo sonā aap aur merā jagānā yaad aatā hai

vo sīdhī ulTī ik ik muñh meñ sau sau mujh ko kah jaanā

dam-e-bosa vo terā ruuTh jaanā yaad aatā hai

tasallī ko dil-e-betāb kī merī dam-e-ruḳhsat

na.ī qasmeñ vo jhūTī jhūTī khānā yaad aatā hai

vo rashk-e-ġhair par ro ro ke hichkī merī bañdh jaanā

fareboñ se vo terā shak miTānā yaad aatā hai

vo merā chauñk chauñk uThnā sahar ke ġham se aur terā

lagā kar apne siina se sulānā yaad aatā hai

kabhī kuchh kah ke vo mujh ko rulānā us sitamgar kā

phir āñkheñ nīchī kar ke muskurānā yaad aatā hai

kabhi milte the wo hum se zamana yaad aata hai

badal kar waza chhup kar shab ko aana yaad aata hai

wo baaten bholi bholi aur wo shoKHi naz o ghamza ki

wo hans hans kar tera mujh ko rulana yaad aata hai

gale mein Dal kar banhen wo lab se lab mila dena

phir apne hath se saghar pilana yaad aata hai

badalna karwaT aur takiya mere pahlu mein rakh dena

wo sona aap aur mera jagana yaad aata hai

wo sidhi ulTi ek ek munh mein sau sau mujh ko kah jaana

dam-e-bosa wo tera ruTh jaana yaad aata hai

tasalli ko dil-e-betab ki meri dam-e-ruKHsat

nai qasmen wo jhuTi jhuTi khana yaad aata hai

wo rashk-e-ghair par ro ro ke hichki meri bandh jaana

farebon se wo tera shak miTana yaad aata hai

wo mera chaunk chaunk uThna sahar ke gham se aur tera

laga kar apne sina se sulana yaad aata hai

kabhi kuchh kah ke wo mujh ko rulana us sitamgar ka

phir aankhen nichi kar ke muskurana yaad aata hai