kabhi sher-o-naghma ban ke kabhi aansuon mein Dhal ke
kabhi sher-o-naghma ban ke kabhi aansuon mein Dhal ke
Khumar Barabankavi
MORE BYKhumar Barabankavi
kabhī sher-o-naġhma ban ke kabhī āñsuoñ meñ Dhal ke
vo mujhe mile to lekin mile sūrateñ badal ke
ye vafā kī saḳht rāheñ ye tumhāre pā-e-nāzuk
na lo intiqām mujh se mire saath saath chal ke
vahī aañkh be-bahā hai jo ġham-e-jahāñ meñ Duube
vahī jaam jām-e-jam hai jo baġhair farq chhalke
na to hosh se ta.āruf na junūñ se āshnā.ī
ye kahāñ pahuñch ga.e ham tirī bazm se nikal ke
ye charāġh-e-anjuman to haiñ bas ek shab ke mehmāñ
tū jalā vo sham.a ai dil jo bujhe kabhī na jal ke
koī ai 'ḳhumār' un ko mire sher nazr kar de
jo muḳhālifīn muḳhlis nahīñ mo'tarif ġhazal ke
kabhi sher-o-naghma ban ke kabhi aansuon mein Dhal ke
wo mujhe mile to lekin mile suraten badal ke
ye wafa ki saKHt rahen ye tumhaare pa-e-nazuk
na lo intiqam mujh se mere sath sath chal ke
wahi aankh be-baha hai jo gham-e-jahan mein Dube
wahi jam jam-e-jam hai jo baghair farq chhalke
na to hosh se taaruf na junun se aashnai
ye kahan pahunch gae hum teri bazm se nikal ke
ye charagh-e-anjuman to hain bas ek shab ke mehman
tu jala wo shama ai dil jo bujhe kabhi na jal ke
koi ai 'KHumar' un ko mere sher nazr kar de
jo muKHalifin muKHlis nahin mo'tarif ghazal ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
