kabhi suraj hai kabhi zohra-jamalon jaisa
kabhī sūraj hai kabhī zohra-jamāloñ jaisā
kyuuñ vo lagtā hai mujhe merī misāloñ jaisā
har tarah se vo bahut achchhā hai lekin us ko
dekhnā chāhtī huuñ apne ḳhayāloñ jaisā
chāhtī huuñ ki karūñ us se mohabbat khul kar
lekin anjām na ho chāhne vāloñ jaisā
kis tarah maan luuñ maiñ us kī nisābī bāteñ
us kā mauqif hai kitāboñ ke havāloñ jaisā
merī zid hai use hal kar ke rahūñgī maiñ bhī
vo jo lagtā hai riyāzī ke savāloñ jaisā
aaj ke din bhī ghaTā khul ke na barse shāyad
aaj kā din bhī hai vahshat meñ ġhazāloñ jaisā
ai mohabbat meñ mujhe chāñd sā kahne vaale
mujh 'qamar' ko na samajh merī misāloñ jaisā
kabhi suraj hai kabhi zohra-jamalon jaisa
kyun wo lagta hai mujhe meri misalon jaisa
har tarah se wo bahut achchha hai lekin us ko
dekhna chahti hun apne KHayalon jaisa
chahti hun ki karun us se mohabbat khul kar
lekin anjam na ho chahne walon jaisa
kis tarah man lun main us ki nisabi baaten
us ka mauqif hai kitabon ke hawalon jaisa
meri zid hai use hal kar ke rahungi main bhi
wo jo lagta hai riyazi ke sawalon jaisa
aaj ke din bhi ghaTa khul ke na barse shayad
aaj ka din bhi hai wahshat mein ghazalon jaisa
ai mohabbat mein mujhe chand sa kahne wale
mujh 'qamar' ko na samajh meri misalon jaisa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
