kabhi wo misl-e-gul mujhe misal-e-Khaar chahiye

kabhī vo misl-e-gul mujhe misāl-e-ḳhār chāhiye

kabhī mizāj-e-mehrbāñ vafā-shi.ār chāhiye

jabīn-e-ḳhud-pasand ko sazā-e-dard yaad ho

sar-e-junūn-kosh meñ ḳhayāl-dār chāhiye

fareb-e-qurb-e-yār ho ki hasrat-e-supurdagī

kisī sabab se dil mujhe ye be-qarār chāhiye

ġham-e-zamāna jab na ho ġham-e-vajūd DhūñD luuñ

ki ik zamīn-e-jāñ jo hai vo dāġhdār chāhiye

vo āzmā.ish-e-junūñ vo imtihān-e-be-ḳhudī

vo sohbat-e-tabāh-kun phir ek baar chāhiye

kabhi wo misl-e-gul mujhe misal-e-KHar chahiye

kabhi mizaj-e-mehrban wafa-shiar chahiye

jabin-e-KHud-pasand ko saza-e-dard yaad ho

sar-e-junun-kosh mein KHayal-dar chahiye

fareb-e-qurb-e-yar ho ki hasrat-e-supurdagi

kisi sabab se dil mujhe ye be-qarar chahiye

gham-e-zamana jab na ho gham-e-wajud DhunD lun

ki ek zamin-e-jaan jo hai wo daghdar chahiye

wo aazmaish-e-junun wo imtihan-e-be-KHudi

wo sohbat-e-tabah-kun phir ek bar chahiye