kaha kis ne ki marna qaid se gham ki nikalna hai

kahā kis ne ki marnā qaid se ġham kī nikalnā hai

ajal to ik hayāt-e-ishq kā pahlū badalnā hai

faqat sayyād hī kā Dar nahīñ ahl-e-nasheman ko

abhī barq-e-balā kī zad se bhī bach kar nikalnā hai

lab-e-sāhil pahuñchne kī ḳhushī kaisī abhī ai dil

talātum-ḳhez tūfānoñ se Takrā kar nikalnā hai

abhī in ibtidā.ī mushkiloñ par ranj-o-ġham kaisā

hameñ to varta-e-bahr-e-havādis hī meñ palnā hai

balā se haq-bayānī par sazā miltī hai bhugteñge

hameñ bhī sarmad-o-mansūr hī kī raah chalnā hai

bhalā tum maslahat is zabt-e-soz-e-ġham kī kyā jaano

jo phūñkeñ zulm ke ḳhirman ko vo sho.ale ugalnā hai

ye rasm-e-mai-kada hai gaah mastī gaah hushyārī

sañbhal kar gir chuke ab gir ke phir ham ko sañbhalnā hai

vo hoñge aur jo phūloñ kī sejoñ par haiñ ḳhvābīda

hameñ ai dūrī-e-manzil abhī kāñToñ pe chalnā hai

kaha kis ne ki marna qaid se gham ki nikalna hai

ajal to ek hayat-e-ishq ka pahlu badalna hai

faqat sayyaad hi ka Dar nahin ahl-e-nasheman ko

abhi barq-e-bala ki zad se bhi bach kar nikalna hai

lab-e-sahil pahunchne ki KHushi kaisi abhi ai dil

talatum-KHez tufanon se Takra kar nikalna hai

abhi in ibtidai mushkilon par ranj-o-gham kaisa

hamein to warta-e-bahr-e-hawadis hi mein palna hai

bala se haq-bayani par saza milti hai bhugtenge

hamein bhi sarmad-o-mansur hi ki rah chalna hai

bhala tum maslahat is zabt-e-soz-e-gham ki kya jaano

jo phunken zulm ke KHirman ko wo shoale ugalna hai

ye rasm-e-mai-kada hai gah masti gah hushyari

sanbhal kar gir chuke ab gir ke phir hum ko sanbhalna hai

wo honge aur jo phulon ki sejon par hain KHwabida

hamein ai duri-e-manzil abhi kanTon pe chalna hai