kahan hai gul-badan mohan piyara
kahāñ hai gul-badan mohan piyārā
ki jiyūñ bulbul hai nālāñ dil hamārā
bisāt-e-ishq-bāzī meñ mirā dil
matā-e-sabr-o-naqd-o-hosh haarā
taġhāful tark kar ai shoḳh-e-be-bāk
talattuf kar navāzish kar mudārā
hazāre kā nahīñ hai zauq mujh kuuñ
kiyā huuñ jab siiñ tujh mukh kā nazārā
sunā hai jab siiñ tere husn kā shor
liyā zāhid ne masjid kā kinārā
shab-e-hijrat meñ us mahtāb-rū kī
har ik aañsū huā raushan sitārā
'sirāj' us sham.a-rū ne in dinoñ meñ
liyā hai sab patañgoñ kā ijārā
kahan hai gul-badan mohan piyara
ki jiyun bulbul hai nalan dil hamara
bisat-e-ishq-bazi mein mera dil
mata-e-sabr-o-naqd-o-hosh haara
taghaful tark kar ai shoKH-e-be-bak
talattuf kar nawazish kar mudara
hazare ka nahin hai zauq mujh kun
kiya hun jab sin tujh mukh ka nazara
suna hai jab sin tere husn ka shor
liya zahid ne masjid ka kinara
shab-e-hijrat mein us mahtab-ru ki
har ek aansu hua raushan sitara
'siraj' us shama-ru ne in dinon mein
liya hai sab patangon ka ijara
- Book : Kulliyat-e-Siraj (Pg. 280)
- Author : Siraj Aurangabadi
- Publication : Qaumi Council Baraye-Farogh Urdu (1982,1998)
- Edition : 1982,1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
