kahan jate hain aage shahr-e-jaan se
kahāñ jaate haiñ aage shahr-e-jāñ se
ye bal khāte hue raste yahāñ se
vahāñ ab ḳhvāb-gāheñ ban ga.ī haiñ
uThe the āb-dīda ham jahāñ se
zamīñ apnī kahānī kah rahī hai
alag andesha-e-sūd-o-ziyāñ se
inhīñ bante-bigaḌte dā.eroñ meñ
vo chehra kho gayā hai darmiyāñ se
uThā laayā huuñ saare ḳhvāb apne
tirī yādoñ ke bosīda makāñ se
maiñ apne ghar kī chhat par so rahā huuñ
ki bāteñ kar rahā huuñ āsmāñ se
vo in āñkhoñ kī mehrāboñ meñ har shab
sitāre Taañk jaatā hai kahāñ se
'rasā' is ābnā-e-roz-o-shab meñ
damakte haiñ kañval fānūs-e-jāñ se
kahan jate hain aage shahr-e-jaan se
ye bal khate hue raste yahan se
wahan ab KHwab-gahen ban gai hain
uThe the aab-dida hum jahan se
zamin apni kahani kah rahi hai
alag andesha-e-sud-o-ziyan se
inhin bante-bigaDte daeron mein
wo chehra kho gaya hai darmiyan se
uTha laya hun sare KHwab apne
teri yaadon ke bosida makan se
main apne ghar ki chhat par so raha hun
ki baaten kar raha hun aasman se
wo in aankhon ki mehrabon mein har shab
sitare Tank jata hai kahan se
'rasa' is aabna-e-roz-o-shab mein
damakte hain kanwal fanus-e-jaan se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
