kahan ke jam-o-subu kya tulua-e-mai-KHana

kahāñ ke jām-o-subū kyā tulūa-e-mai-ḳhāna

tirī nigāh na kartī jo kār-e-rindāna

harīm-e-husn na ka.aba na sahn-e-but-ḳhāna

dil-e-shikasta-e-āshiq hai ḳhuld-e-jānāna

ye terī yaad kā e.ajāz thā ki faiz-e-junūñ

har ik maqām se guzrā huuñ be-niyāzāna

bat-e-sharāb thī ḳhāmosh dil-zada mai-kash

ye kaun aayā ki lau de uThā hai mai-ḳhāna

qalandarī mirā maslak sikandarī hai tarīq

guzar rahā huuñ do-ālam se be-niyāzāna

chhupā rahā huuñ zamāne se dil ke zaḳhmoñ ko

ki terā naam na ho jaa.e zeb-e-afsāna

baḌhā jo ilm to zehnoñ ko kar gayā tārīk

haqīqatoñ kā banāte haiñ log afsāna

vo kam-nazar haiñ jo dete haiñ sham.a ko ilzām

ḳhud apnī aag meñ jaltā hai aap parvāna

ḳhudā-shanās-o-ḳhud-āgahī sarisht-e-junūñ

ḳhirad-asīr tū ham haiñ ḳhirad sanam-ḳhāna

Thahar gayā huuñ kahāñ jāda-e-tamannā meñ

har aarzū nazar aatī hai ek but-ḳhāna

zamīn-e-hazrat-e-'iqbāl' meñ ye taaza ġhazal

huzūr-e-hazrat-e-'iqbāl' merā nazrāna

kahan ke jam-o-subu kya tulua-e-mai-KHana

teri nigah na karti jo kar-e-rindana

harim-e-husn na kaba na sahn-e-but-KHana

dil-e-shikasta-e-ashiq hai KHuld-e-jaanana

ye teri yaad ka eajaz tha ki faiz-e-junun

har ek maqam se guzra hun be-niyazana

bat-e-sharab thi KHamosh dil-zada mai-kash

ye kaun aaya ki lau de uTha hai mai-KHana

qalandari mera maslak sikandari hai tariq

guzar raha hun do-alam se be-niyazana

chhupa raha hun zamane se dil ke zaKHmon ko

ki tera nam na ho jae zeb-e-afsana

baDha jo ilm to zehnon ko kar gaya tarik

haqiqaton ka banate hain log afsana

wo kam-nazar hain jo dete hain shama ko ilzam

KHud apni aag mein jalta hai aap parwana

KHuda-shanas-o-KHud-agahi sarisht-e-junun

KHirad-asir tu hum hain KHirad sanam-KHana

Thahar gaya hun kahan jada-e-tamanna mein

har aarzu nazar aati hai ek but-KHana

zamin-e-hazrat-e-'iqbaal' mein ye taza ghazal

huzur-e-hazrat-e-'iqbaal' mera nazrana