kahan sabaat-e-gham-e-dil kahan sarab-e-sukun

kahāñ sabāt-e-ġham-e-dil kahāñ sarāb-e-sukūñ

vo ḳhush-nasīb hai mil jaa.e jis ko soz-e-darūñ

ḳhud aap dekh leñ kyā haal dil zabāñ se kahūñ

abhī to haiñ mirī āñkhoñ meñ chand qatra-e-ḳhūñ

ye shahr-e-ham-nafasāñ kitnī baar ujḌā hai

kabhī na ho sakā lekin sar-e-hayāt nigūñ

abhī to maslahat-e-vaqt hī pe nāzāñ hai

abhī ḳhirad ko mayassar kahāñ maqām-e-junūñ

nigāh nīchī kiye munfa.il se baiThe haiñ

ab un se shikva-e-bedād kis zabāñ se karūñ

nikhār aa hī gayā ḳhushk ḳhushk chehroñ par

milā to girya-e-shabnam se kuchh guloñ ko sukūñ

dar-asl hai mirī hastī kī kā.enāt 'ejāz'

vo ik nigāh jise zindagī kā raaz kahūñ

kahan sabaat-e-gham-e-dil kahan sarab-e-sukun

wo KHush-nasib hai mil jae jis ko soz-e-darun

KHud aap dekh len kya haal dil zaban se kahun

abhi to hain meri aankhon mein chand qatra-e-KHun

ye shahr-e-ham-nafasan kitni bar ujDa hai

kabhi na ho saka lekin sar-e-hayat nigun

abhi to maslahat-e-waqt hi pe nazan hai

abhi KHirad ko mayassar kahan maqam-e-junun

nigah nichi kiye munfail se baiThe hain

ab un se shikwa-e-bedad kis zaban se karun

nikhaar aa hi gaya KHushk KHushk chehron par

mila to girya-e-shabnam se kuchh gulon ko sukun

dar-asl hai meri hasti ki kaenat 'ejaz'

wo ek nigah jise zindagi ka raaz kahun